Akit ineriartornerat
Atortussiassat akii
Sanaartornermi aningaasartuutinut naleqqersuutip nutarternerani pisiassat 450-it missaat suliami tunngaviupput. Nioqqutissat taakku akii Kalaallit Nunaanni sanaartornermi atortussiassanik eqqussuinerpaasut akit paasissutissat qarasaasiami katersaannit naatsorsuinerni ataasiakkaani aaneqartuupput. Nioqqutissanit eqimasunit ataasiakkaanit, soorlu fliset igalaallu, danskit suliffeqarfiutaannit Kalaallit Nunaannut nioqqutissanik pineqartunik annertuumik avammut tunisaqartartunit pissarsiaasarput. Nioqqutissaq pisiaajunnaarpat, nalinginnaasumik nioqqutissamik taartiusussamik nassaartoqartarpoq, tamatumalu kingorna naatsorsuutinut ilanngunneqartarlutik.
Angallassinermi aki
Angallassinermi nioqqutissanut akit sanaartornermi atugassat ineriartornerat, Royal Arctic Line A/S-p akissatut aalajangersagai malillugit naatsorsugaapput.
Sulinermi akissarsiaq
Nunatsinni suliffeqarnermi akissarsiat pillugit kisitsisitigut nassuiaasiaqanngimmat, inissianik sanaartornermi akissarsianut aningaasartuutit ineriartornerat pissuseqataanik danskit akissarsiaannut tunngaveqartinneqarpoq. Periaaseq tamanna nunatsinni illuliornermut sanaartornermilu ingerlatsinermi sulinikkut akissarsiat ineriartorneranik tikkuussisumik nalilerneqarpoq.